Ta Vantshwa Va Hina

Ku Hanyisiwa Ka Munhu Wa Nhlokonho!

Swiletelo: Endla xitoloveto lexi endhawini leyi nga riki na pongo. Loko u hlaya matsalwa, tianakanye u ri eka xiendlakalo xa kona. Xi vone hi mahlo ya mianakanyo. Twana leswi vanhu va kona va swi vulaka. Titwe hi ndlela leyi va titwaka ha yona. Endla leswaku rungula leri ri hanya.

Swimunuhatwa-nkulu: Namani, Elixa ni xinhwanyetana xa Muisrayele lexi vito ra xona ri nga boxiwangiki.

Nkatsakanyo: Namani, ndhuna ya vuthu ra Vaasiriya u hanyisiwile evuvabyini byakwe lebyi nyenyetsaka endzhaku ka loko xinhwanyetana xa Muisrayele xi ringanyete leswaku a ya vona Elixa.

1 VONA XIENDLAKALO XA KONA HI MAHLO YA MIANAKANYO.—HLAYA 2 TIHOSI 5:1-19.

Xana u ehleketa leswaku i yini leswi xinhwanyatana xa Muisrayele lexi a xi huma endyangwini lowu chavaka Xikwembu xi swi tiyiseleke?

․․․․․

U ehleketa leswaku Namani a a titwa njhani hi vuvabyi lebyi a a ri na byona, tanihi leswi a a ri wanuna wa matimba?

․․․․․

I yini leswi u swi xiyaka eka mbulavurisano lowu Namani a veke na wona ni malandza yakwe eka ndzimana 11 ku ya eka 13?

․․․․․

I ku cinca kwihi loku u ku xiyeke loku Namani a ku endleke eka ndzimana 15?

․․․․․

2 ANAKANYISISA SWINENE HI MHAKA LEYI.

I yini leswi nga ha vaka swi endle leswaku Namani a tikukumuxa? (Tlhela u hlaya ndzimana 1.)

․․․․․

Hi ku tirhisa swilo swo endla ndzavisiso leswi u nga na swona, kumisisa leswaku a wu ri njhani nhlokonho eminkarhini ya Bibele.a (Hi xikombiso, xana vuvabyi lebyi a byi ri ni khombo ku fikela kwihi? Xana a byi tlulela? Xana a byi tshunguriwa njhani?)

․․․․․

Xana u ehleketa leswaku ku hanyisiwa ka Namani ku endle leswaku a xi languta njhani xinhwanyetana xa Muisrayele?

․․․․․

Xana ndlela leyi Elixa a anguleke Namani ha yona yi n’wi khumbe njhani? (Vona ndzimana 10.)

․․․․․

3 TIRHISA LESWI U SWI DYONDZEKE. SWI TSALE EHANSI LESWI U SWI DYONDZEKE MALUNGHANA NI . . .

Khombo ra ku tikukumuxa.

․․․․․

Xivindzi xa ku vulavula hileswi u swi pfumelaka.

․․․․․

Matimba ya Yehovha yo hanyisa.

․․․․․

4 HI WIHI NCHUMU WA NKOKA LOWU U WU DYONDZEKE EKA RUNGULA LERI NASWONA HA YINI?

․․․․․

LOKO U NGA RI NA BIBELE, YI KOMBELE EKA TIMBHONI TA YEHOVHA KUMBE U HLAYA MINKANDZIYISO LEYI SEKERIWEKE EBIBELENI EKA www.watchtower.org

[Nhlamuselo ya le hansi]