Arungula Ya Swa Mfumo

◆ Alaska ri fikelele nhlohlorhi leyintshwa ya vahuweleri va 2053 hi July, ku engeteleka ka tiphesente ta 12 ku tlula avhareji ya lembe leri nga hundza. Nhlohlorhi ya lava veke kona eka Ntsombano Wa Muganga wa “Ririmi Leri Tengeke” hi July a ku ri 2929 ku va na 50 lava khuvuriweke.

◆ Hi July, Brazil ri fikelele nhlohlorhi leyi tlulaka hinkwato ya vahuweleri va 295 466, nhlohlorhi ya rona ya vukaye ya lembe ra ntirho. Nhlohlorhi leyintshwa ya tidyondzo ta Bibele ta 369 999 na yona yi vikiwile.

◆ Fiji ri ve ni nhlohlorhi ya vahuweleri leyi landzelelanaka ya vu-67 hi July yi ri na 1534 lava vikaka. Tidyondzo ta Bibele ti andze ti ya ka 2605.

◆ Ku sukela hi September 1990, tiko ra French Guiana exiphen’wini xa n’walungu wa Amerika Dzonga ri na hofisi ya rhavi ya Sosayiti ya Watch Tower. Va ve ni nhlohlorhi leyintshwa ya vahuweleri va 660 hi July naswona ntsombano wa vona wa muganga a wu ri na vanhu va 1479 ku ri na 41 lava khuvuriweke.

◆ Mintsombano ya mune ya muganga ya le Guadeloupe a a yi ri na vanhu va 13 021 na 259 lava khuvuriweke. Nhlohlorhi ya vona ya vahuweleri a a ku ri 6233.

◆ New Caledonia ri ve ni nhlohlorhi leyintshwa ya vahuweleri va 1134 hi July, ku engeteleka ka 12 wa tiphesente.

◆ Papua New Guinea ri vike nhlohlorhi ya rona ya vutsevu hi ku landzelelana yi ri na 2471 lava hlanganyeleke entirhweni hi July, leyi yimelaka ku engeteleka ka tiphesente ta 18.

◆ Tahiti ri ve ni ku engeteleka ka 17 wa tiphesente hi July ni nhlohlorhi leyintshwa ya vahuweleri va 1133, nhlohlorhi ya vona ya vu-33 hi ku landzelelana.

◆ Hi July, Thailand ri ve ni nhlohlorhi ya rona ya vahuweleri ya vutsevu ya lembe ra ntirho hi 1142 lava vikaka, ku engeteleka ka 10 wa tiphesente ku tlula avhareji ya lembe leri nga hundza.

◆ Vanuatu ri ve ni ku engeteleka ka tiphesente ta 36 hi July hi nhlohlorhi leyintshwa ya vahuweleri va 140. Va fambise tidyondzo ta 360, na yona i nhlohlorhi leyintshwa.