Lunghiselelani Swilo Swa Xitsundzuxo

Xana un’wana ni un’wana ku katsa ni xivulavuri va byeriwile hi nkarhi lowu faneleke ni ndhawu laha xi nga ta tlangeriwa kona? Xana xivulavuri xi swi xiyile leswaku nongonoko a wu fanelanga wu tlula 45 wa timinete ke?

Xana u kona loyi a averiweke ku kuma swifanekiselo? (Vona Xihondzo xo Rindza xa February 15, 1990, matluka 16-18.) Xana malunghiselelo yo lunghisa tafula hi nguvu leyi baseke ni nhlayo leyi ringaneke ya tinghilazi ni swibye se ma endliwile ke?

Xana malunghiselelo yo basisa Holo ya Mfumo ka ha ri emahlweni ni le ndzhaku ka xona se ma endliwile? Xana varindzi ni lava nga ta fambisa swifanekiselo se va averiwile ke? Xana nhlangano wu khomiwile na vona leswaku ku buriwa hi mintirho ya vona? I endlelo rihi leri nga ta landzeriwa ku tiyisekisa leswaku hinkwavo va fambiseriwe kahle?

Xana ma endliwile malunghiselelo yo pfuna vadyuhari ni vamakwerhu va xinuna ni va xisati lava nga swigono leswaku va va kona? Loko ku ri ni un’wana wa vatotiwa loyi a nga ha vaka a nga swi koti ku famba naswona a nga swi koti ku va kona, xana ma endliwile malunghiselelo yo n’wi fambisela swifanekiselo?