Mintsombano Ya Muganga Ni Ya Matiko Hinkwawo Yi Hi Susumetela Ku Vangamisa Xikwembu!
Mintsombano ya Muganga ni ya Matiko Hinkwawo leyi nga ni xihloko lexi nge “Vangamisa Xikwembu,” leyi khomiweke ku ta fikela sweswi se yi nyikele vumbhoni lebyinene ngopfu. Swiendlakalo leswi swo hlawuleka swa moya swi endle leswaku ku tlakusiwa vito ra Yehovha ni ku antswisa vuswikoti bya hina byo ‘nyika Yehovha ku vangama loku nga ka vito rakwe.’ (Ps. 96:8) Ina, swa n’wi fanela ku dzunisiwa hikwalaho ka mintirho yakwe yo tumbuluxa leyi hlamarisaka, leyi kombisaka timfanelo ta yena letinene.—Yobo 37:14; Nhlav. 4:11.
Hi ku tirhisa swivutiso leswi landzelaka swin’we ni tinotsi ta wena, lunghiselela leswaku u ta hlanganyela eka mpfuxeto wa nongonoko wa ntsombano lowu nga ta khomiwa hi vhiki ra February 23.
1. Xana swilo leswi nga hanyiki swi twarisa ku vangama ka Xikwembu hi ndlela yihi naswona leswi swi hambana njhani ni ndlela leyi vanhu va xi dzunisaka ha yona? (Ps. 19:1-3; “Ntumbuluko Wu Twarisa Ku Vangama Ka Xikwembu”)
2. Xana xivono xa ku hundzuka a xi fanekisela yini naswona ku hundzuka loku ku va khutaza njhani Vakreste namuntlha? (Nkulumo-nkulu leyi nge “Swivono Leswi Vangamaka Swa Vuprofeta Swa Hi Khutaza!”)
3. Hi nga wu hlakulela njhani moya wa ku titsongahata lowu kombisiweke hi muprofeta Daniyele naswona hi nga vuyeriwa njhani hi ku endla sweswo? (Dan. 9:2, 5; 10:11, 12; “Yehovha U Kombisa Ku Vangama Ka Yena Eka Lava Titsongahataka”)
4. (a) Hi swihi swilo swinharhu malunghana ni ku avanyisa ka Xikwembu leswi hi nga swi dyondzaka eka vuprofeta bya Amosi? (Amo. 1:3, 11, 13; 9:2-4, 8, 14) (b) Hi yihi dyondzo leyi Timbhoni ta Yehovha namuntlha ti nga yi dyondzaka eka xitsundzuxo lexi nga eka Amosi 2:12? (nhlamulo yi kumeka eka nkulumo ya nxaxamelo leyi nge “Ndlela Leyi Vuprofeta Bya Amosi Byi Hi Khumbaka Ha Yona Namuntlha”)
5. (a) Hi rihi khombo ra ku nwa byala ku tlula mpimo, hambiloko munhu a nga pyopyiwi? (b) Xana xiphiqo xa ku nwa ku tlula mpimo xi nga lulamisiwa njhani? (Mar. 9:43; Efe. 5:18; “Papalata Ntlhamu Wa Ku Nwa Byala Ku Tlula Mpimo”)
6. Xana u vuyeriwa hi ndlela yihi eka nkandziyiso lowuntshwa lowu nge “Vona Tiko Lerinene”? (“‘Tiko Lerinene’ I Xikombiso Xa Leswi Paradeyisi Yi Nga Ta Va Xiswona”)
7. Hi tihi tindlela tinharhu leti hi nga ‘vonakarisaka ku vangama ka Yehovha kukota swivoni’ ha tona? (2 Kor. 3:18; ‘Vonakarisa Ku Vangama Ka Yehovha Kukota Swivoni’)
8. Hi xihi xihlovo xa rivengo leri nga riki na xivangelo lexi twalaka naswona i yini lexi nga hi pfunaka ku tshama hi tshembekile ku nga khathariseki rivengo ro tano? (Ps. 109:1-3; “Ku Vengiwa Ku Nga Ri Na Xivangelo”)
9. Hi rihi langutelo leri Kreste a a ri na rona hi vukulu naswona munhu a nga swi vonisa ku yini leswaku u fanele ku hlakulela langutelo leri hilaha ku engetelekeke? (Mat. 20:20-26; “Ku Hlakulela Langutelo Leri Kreste A A Ri Na Rona Hi Vukulu”)
10. I yini lexi xi nga hi pfunaka leswaku hi tshama hi tiyile hi tlhelo ra moya hambiloko miri wa hina wu hambeta wu tsana? (“Hi Nga Heli Matimba Hambiloko Hi Karhala”)
11. Hi tihi tindlela tin’wana leti Sathana a ti tirhisaka leswaku a hlohlotela mavunwa naswona hi yihi nhlamulo leyi sekeriweke eMatsalweni leyi yi nga hi pfunaka ku bakanya mavunwa lama nga onhaka ripfumelo ra hina? (Yoh. 10:5; “Tivonele Eka ‘Rito Ra Vafambi’”)
12. (a) Xana vatswari va xi landzela njhani xikombiso xa Yesu lexi tsariweke eka Marka 10:14, 16? (b) I yini leswi u swi rhandzaka hi buku leyintshwa leyi nge Dyondza Eka Mudyondzisi Lonkulu? (“Vana Va Hina I Ndzhaka Ya Risima”)
13. Xana vantshwa va dzunisa Yehovha hi ndlela yihi? (1 Tim. 4:12; “Ndlela Leyi Vantshwa Va Dzunisaka Yehovha Ha Yona”)
14. Hi swihi swivono swa drama leyi nge “Ku Chumayela Hi Xivindzi Hambiloko U Kanetiwa,” leswi wa ha swi tsundzukaka?
15. Xana hi nga xi tekelela njhani xikombiso lexi vekiweke hi (a) Petro na Yohane? (Mint. 4:10) (b) Stefano? (Mint. 7:2, 52, 53) (c) vandlha ra Vukreste ra lembe-xidzana ro sungula? (Mint. 9:31; drama ni nkulumo leyi nge “Twarisa Mahungu Lamanene ‘Handle Ko Chava’”)
16. (a) Hi tihi tindlela leti hi tiyimiseleke ku vangamisa Xikwembu ha tona? (b) I yini lexi hi nga tiyisekaka ha xona loko hi ri karhi hi tirhisa leswi hi swi dyondzeke eka Mintsombano leyi nga ni xihloko lexi nge “Vangamisa Xikwembu”? (Yoh. 15:9, 10, 16; “‘Hambetani Mi Tswala Mihandzu Yo Tala’ Leswaku Mi Vangamisa Yehovha”)
Loko hi anakanyisisa hi dyondzo leyinene ya moya leyi nyikeriweke entsombanweni, hi ta susumeteleka ku endla leswi hi swi dyondzeke. (Filp. 4:8, 9) Leswi swi ta tiyisa ku tiyimisela ka hina ko ‘endla hinkwaswo leswaku hi vangamisa Xikwembu.’—1 Kor. 10:31.