Va Pfune Leswaku Va Tshama Va ‘Tiyile eRipfumelweni’

Swa tsakisa ku vona ndlela leyi Yehovha a wu katekisaka ha yona ntirho wo hlengeleta, laha vanhu lava tlulaka kotara ya miliyoni va khuvuriwaka lembe ni lembe. (Det. 28:2) Hi ntolovelo loko muhuweleri a pfune xichudeni ku fikela loko xi khuvuriwa, u tshika ku dyondza na xona kutani a pfuna van’wana. Na xona xichudeni xi nga ha tshika ku dyondza leswaku xi ta va ni nkarhi wo tala wo chumayela. Kambe, i swa nkoka leswaku swichudeni swa Bibele swi va ni masungulo lamanene entiyisweni. Swi fanele swi “dzima timitsu” eka Kreste swi tlhela swi “tiyisiwa eripfumelweni.” (Kol. 2:6, 7; 2 Tim. 3:12) Hikokwalaho, endzhaku ka loko xichudeni xi khuvuriwile, xi fanele xi ya emahlweni ni dyondzo ya xona ya Bibele ku fikela loko xi heta buku leyi nge, Leswi Bibele Yi Swi Dyondzisaka ni leyi nge, ‘Rirhandzu Ra Xikwembu.’—Vona Vutirheli Bya Hina Bya Mfumo bya April 2011, tluka 2.