Swingheniso Leswi Hi Nga Swi Tirhisaka
Hi Nga Ti Kuma Kwihi Tinhlamulo Ta Swivutiso Swa Nkoka eVuton’wini?
Nyika n’wini wa muti xiphephana leswaku a ta vona nhloko-mhaka ya xona kutani u ku: “Xewani. Hi le ku endleni ka tsima emisaveni hinkwayo ro hangalasa rungula leri ra nkoka. Hi lexi xiphephana xa wena.”
Loko u siya xiphephana emakaya lawa ku nga riki na vanhu, xi veke endhawini leyi xi nga taka xi nga voniwi hi mani na mani naswona u papalata ku xi petsa ngopfu.
Loko n’wini wa muti a tsakela kumbe a lava ku twa leswi engetelekeke, u nga ha lava ku twa vonelo ra yena hi xivutiso lexi nga ni tinhlamulo to hlayanyana eka tluka ro sungula ra xiphephana lexi. Xi pfule kutani u n’wi komba leswi Pisalema 119:144, 160 yi swi vulaka. N’wi hlamusele leswaku xiphephana lexi xi ni rungula leri vulavulaka hi Web site leyi nga n’wi pfunaka ku kuma tinhlamulo leti enerisaka eBibeleni. Kumbexana u nga n’wi endlela xikombiso hi ku tlanga vhidiyo leyi nge, Ha Yini U Fanele U Dyondza Bibele? Loko u nga si famba, n’wi kombe swivutiso swinharhu leswi nga le ka tluka ro hetelela ra xiphephana lexi kutani u n’wi vutisa leswaku hi xihi lexi a lavaka ku tiva nhlamulo ya xona. N’wi byele leswaku u nga tsakela ku tlhela u vuya leswaku u ta n’wi komba ndlela yo kuma nhlamulo leyi sekeriweke eBibeleni ya xivutiso xexo eka jw.org/ts. Loko u tlhelela, bulani hi nhlamulo ya kona hi ku languta ehansi ka nhloko-mhaka leyi nge TIDYONDZO TA BIBELE > TINHLAMULO TA SWIVUTISO SWA BIBELE.
Nakambe loko mi fambisa swirhambo swa nhlengeletano ya n’wina ya xifundzha, nyika n’wini wa muti xirhambo ni xiphephana kutani u ku: “Hi ku nyike ni xirhambo lexi ku rhambelaka enhlengeletanweni leyi nga ta va kona, laha ku nga ta ngheniwa mahala.”
Xihondzo xo Rindza August 1
Hi mahelo-vhiki, loko swi fanerile, vula leswi loko u fambisa Xihondzo xo Rindza: “Nakambe hi tsakela ku ku nyika timagazini ta hina ta sweswinyana. Nkandziyiso lowu wa Xihondzo xo Rindza wu hlamula xivutiso lexi nge, Xana Xikwembu xa khathala hi wena?”
Xalamuka! August
Hi mahelo-vhiki, loko swi fanerile, vula leswi loko u fambisa magazini wa Xalamuka!: “Nakambe hi tsakela ku ku nyika timagazini ta hina ta sweswinyana. Nkandziyiso lowu wa Xalamuka! wu hlamula xivutiso lexi nge, Vanhu va nga ku kondletela njhani ku rhula?”