Xana Wa Yi Tirhisa JW Library?

JW Library i progreme ya mahala leyi ku pfumelelaka ku kopa Bibele, minkandziyiso, tivhidiyo ni leswi ngo yingiseriwa kunene eka selfoni, tablet kumbe khompyuta ya wena.

NDLELA YO YI NGHENISA: Yana eka Internet, kutani u nghenisa JW Library laha ku nga ni tiprogreme. JW Library yi nga nghenisiwa eka switirhisiwa swo hambanahambana. Loko u nghena eka Internet, pfula progreme kutani u hlawula minkandziyiso leyi u lavaka ku yi kopa eka xitirhisiwa xa wena. Loko u nga swi koti ku nghena eka Internet ekaya, u nga ya eHolweni ya Mfumo, elayiburari ya kwalaho kumbe exitolo xa le kusuhi. Loko se u kope minkandziyiso eka xitirhisiwa xa wena, a swi bohi leswaku u nghena eka Internet leswaku u ta yi tirhisa. Tanihi leswi JW Library yi tshamelaka ku antswisiwa, u fanele u nghena eka Internet nkarhi na nkarhi leswaku u nghenisa leyi antswisiweke.

HA YINI U FANELE U VA NA YONA? JW Library ya olova ku yi tirhisa eka dyondzo ya munhu hi yexe swin’we ni le minhlanganweni ya vandlha. Nakambe i xitirhisiwa lexinene entirhweni wa nsimu ngopfungopfu loko hi chumayela hi xitshuketa.