Tshemba Yehovha U Endla Leswinene

“U nga va . . . vondzoki lava endlaka swo biha”

37:1, 2

• U nga pfumeleli ku humelela ka xinkarhana ka vanhu vo biha ku ku kavanyeta ku tirhela Yehovha. Dzikisa mianakanyo ya wena eka mikateko ni tipakani ta moya

“Tshemba Yehovha u endla leswinene”

37:3

• Tshemba leswaku Yehovha u ta ku seketela loko u kanakana kumbe loko u vilela. U ta ku pfuna leswaku u tshama u tshembekile

• Tshama u khomekile hi ku chumayela mahungu lamanene ya Mfumo wa Xikwembu

“Kuma ntsako lowu heleleke eka Yehovha”

37:4

• Tivekele nkarhi wa ku hlaya Rito ra Xikwembu ni ku anakanyisisa hi rona hi xikongomelo xo tiva Yehovha ku antswa

“Andlala ndlela ya wena eka Yehovha”

37:5, 6

• Tshemba hi ku helela leswaku Yehovha u ta ku pfuna u langutana ni xiphiqo xin’wana ni xin’wana

• Tikhome hi ndlela leyinene loko u langutana ni valala, nxaniso kumbe loko u sandziwa

“Miyela emahlweni ka Yehovha n’wi rindzele hi ku swi rhandza”

37:7-9

• Papalata swiendlo leswi nga endlaka leswaku u nga vi na ntsako ni nsirhelelo wa moya

“Lavo rhula va ta dya ndzhaka ya misava”

37:10, 11

• Lava ku rhula kutani hi ku titsongahata u yimela Yehovha a susa ku vava hinkwako loku u ku twaka

• Seketela vapfumerikuloni ni ku chavelela lava tshikilelekeke hi ku va byela xitshembiso xa misava leyintshwa ya Xikwembu, leyi nga ekusuhi ni ku fika