Ku Antswisa Vutshila Bya Hina Ensin’wini​—Ku Pfuna Swichudeni Swa Bibele Leswaku Swi Tinyiketela Ni Ku Khuvuriwa

LEXI ENDLAKA SWI VA SWA NKOKA: Leswaku swichudeni swa Bibele swi amukeriwa hi Yehovha swi fanele swi nyiketela vutomi bya swona eka yena ni ku khuvuriwa. (1Pe 3:21) Lava hanyaka hi ku pfumelelana hi ku tinyiketela ka vona va ta kuma nsirhelelo hi tlhelo ra moya. (Ps 91:1, 2) Mukreste u fanele a tinyiketela eka Yehovha—ku nga ri eka munhu, ntirho kumbe nhlengeletano yo karhi. Kutani, swichudeni swi fanele swi hlakulela ku rhandza Xikwembu ni ku xi nkhensa.​—Rhm 14:7, 8.

NDLELA LEYI U NGA SWI ENDLAKA HA YONA:

• Loko mi ri karhi mi dyondza, bulani hi ndlela leyi rungula rero ri n’wi paluxaka ha yona Yehovha. Kandziyisa leswaku xi fanele xi hlaya Bibele siku ni siku ni ku khongela eka Yehovha “minkarhi hinkwayo.”​—1Te 5:17; Yk 4:8

• Khutaza xichudeni xa wena leswaku xi endla ku tinyiketela ni ku khuvuriwa ku va tipakani ta xona ta moya. Nakambe, xi pfune leswaku xi fikelela tipakani ta nkarhinyana, to fana ni ku hlamula eminhlanganweni kumbe ku chumayela vaakelani ni vatirhikulobye. Tsundzuka leswaku Yehovha a nga sindzisi munhu leswaku a n’wi tirhela. Ku tinyiketela i xiboho xa munhu hi yexe.​—Dt 30:19, 20

• Khutaza xichudeni xa wena leswaku xi endla ku cinca leswaku xi ta kota ku tsakisa Yehovha ni ku tlhela xi fanelekela ku khuvuriwa. (Swiv 27:11) Hikwalaho ka leswi mikhuva yo karhi yi nga ha vaka yi dzime timitsu, nkarhi na nkarhi xichudeni xa Bibele xi nga lava mpfuno wa leswaku xi tshika vumunhu bya khale kutani xi ambala vumunhu lebyintshwa. (Ef 4:22-24) Xi kombe swihloko swa ntlhandlamano leswi nga eka Xihondzo xo Rindza leswi nga ni nhlokomhaka leyi nge “Bibele Yi Hundzula Vutomi Bya Vanhu”

  Xi byele ntsako lowu u veke na wona hikwalaho ko tirhela Yehovha.​—Esa 48:17, 18