MAHANYELO YA VAKRESTE

Pfuna Vana Va Wena Leswaku Va Va Ni Ripfumelo Leri Tiyeke Eka Muvumbi

Ntumbuluko wu twarisa ku vangama ka Yehovha. (Ps 19:1-4; 139:14) Hambiswiritano, misava ya Diyavulosi yi kucetela tidyondzo leti nga xi tsakisiki Xikwembu malunghana ni laha vutomi byi sunguleke kona. (Rhm 1:18-25) U nga ti sivela njhani tidyondzo toleto leswaku ti nga dzimi timitsu emianakanyweni ni le timbilwini ta vana va wena? Va pfune va ha ri vatsongo leswaku va va ni ripfumelo ra leswaku Yehovha u kona naswona wa khathala hi vona. (2Ko 10:4, 5; Ef 6:16) Endla leswaku va ku byela ndlela leyi va titwaka hi yona hi leswi va dyondzisiwaka swona exikolweni naswona tlhela u tirhisa switirhisiwa leswi nga kona leswaku u va pfuna.—Swiv 20:5; Yk 1:19.

Tatana a ri karhi a dyondzisa vana vakwe hi ntumbuluko; va ri karhi va dyondzisiwa hi ku ti endlekela ka swilo etlilasini; Leswi Tintangha Ta Wena Ti Swi Vulaka—⁠Ku Pfumela Eka Xikwembu

HLALELANI VHIDIYO LEYI NGE LESWI TINTANGHA TA WENA TI SWI VULAKA—KU PFUMELA EKA XIKWEMBU, KUTANI MI BULA HI SWIVUTISO LESWI LANDZELAKA:

Hi yihi dyondzo leyi tolovelekeke malunghana ni ku pfumela eka Xikwembu?
I yini leswi dyondzisiwaka exikolweni xa n’wina?
I yini lexi ku tiyisekisaka leswaku Yehovha u kona?
U nga n’wi pfuna njhani munhu un’wana leswaku a tshemba leswaku Xikwembu xi vumbe swilo hinkwaswo?

SWITIRHISIWA SWIN’WANA LESWI NGA KONA:

• Swihloko leswi tlhandlamanaka swa le ka JW.ORG leswi nge “Tidyondzo Ta Mina Ta Bibele” (Ta vana va malembe manharhu ku ya ehansi)

• Vhidiyo leyi nge Vana Munghana Wa Yehovha—i “Yehovha . . . U Tumbuluxe Swilo Hinkwaswo”

• Swihloko leswi tlhandlamanaka swa Xalamuka! leswi nge “Xana Swi Lo Endliwa?”

• Tluka ra xitoloveto xa le ka JW.ORG lexi nge “Ha Yini Ndzi Pfumela Eka Xikwembu?”

• Swihloko leswi tlhandlamanaka swa le ka JW.ORG leswi nge “Xana Swilo Swi Lo Tumbuluxiwa Kumbe Swi Lo Tiendlekela?” (swiyenge swa mune)

• Swihloko leswi tlhandlamanaka swa le ka JW Broadcasting leswi nge “Leswi Vanhu Va Swi Vulaka Malunghana Ni Laha Vutomi Byi Sunguleke Kona”

• Vhidiyo leyi nge The Wonders of Creation Reveal God’s Glory

• Broxara leyi nge Xana Swilo Leswi Hanyaka Swi Lo Tumbuluxiwa?

• Buku leyi nge Is There a Creator Who Cares About You?