Tinsimu Ta Mfumo Ti Endla Leswaku Hi Va Ni Xivindzi

Pawulo na Silasi va dzunise Xikwembu hi tinsimu loko va ri ekhotsweni. (Min 16:25) Eminkarhini ya sweswi, vamakwerhu a va yimbelela tinsimu loko va ri ekampeni ya nxaniso ya Manazi eSachsenhausen eJarimani ni loko va ri evuhlongeni eSiberia. Swikombiso leswi swi kombisa leswaku tinsimu ti nga swi kota ku endla leswaku vamakwerhu lava langutaneke ni miringo va va ni xivindzi.

Ku nga ri khale tindzimi to tala ti ta va ni buku ya tinsimu leyintshwa leyi nge ‘Yimbelelani Yehovha Hi Ntsako.’ Loko hi yi kuma, hi nga kota ku nhlokohata marito hi ku praktisa tinsimu hi nkarhi wa vugandzeri bya ndyangu. (Ef 5:19) Kutani moya lowo kwetsima wu ta hi pfuna leswaku hi ti tsundzuka loko hi langutana ni miringo. Tinsimu ta Mfumo ti nga hi pfuna ku dzikisa mianakanyo ya hina eka ntshembo lowu hi nga na wona. Ti nga hi khutaza loko hi langutane ni miringo. Nakambe loko hi tsakile, marito ya risimu ma endla leswaku hi ‘yimbelela hi ntsako.’ (1Tk 15:16; Ps 33:1-3) Onge hinkwerhu hi nga tikarhatela ku tiva tinsimu ta hina ta Mfumo!

HLALELA VHIDIYO LEYI NGE RISIMU LERI KHUTAZEKE VATIRHI, KUTANI U HLAMULA SWIVUTISO LESWI LANDZELAKA:

• I swiyimo swihi leswi endleke leswaku Makwerhu Frost a qambha risimu?

• Risimu ri va khutaze njhani vamakwerhu lava a va ri ekampeni ya nxaniso ya le Sachsenhausen?

• Hi le ka swiyimo swihi swa siku ni siku laha tinsimu ta Mfumo ti nga ku tiyisaka?

• Hi tihi tinsimu ta Mfumo leti u nga tsakelaka ku ti nhlokohata?