Xana Ripfumelo Ra Wena Ri Tiye Ku Fikela Kwihi Eka Switshembiso Swa Yehovha?

Yoxuwa na Solomoni va tiyisekise mhaka ya leswaku switshembiso hinkwaswo swa Yehovha swa hetiseka. (Yx 23:14; 1Th 8:56) Vumbhoni lebyi nga kona bya vanhu lava vambirhi lebyi tshembekaka, i masungulo lama tiyeke ya leswaku hi tiyisa ripfumelo ra hina.—2Ko 13:1; Tit 1:2.

Xana Yehovha u swi hetisise njhani switshembiso swakwe eminkarhini ya Yoxuwa? Tanihi ndyangu, hlalelani drama leyi nge ‘A Ku Wanga Ni Rito Ni Rin’we.’ Kutani mi bula hi swivutiso leswi landzelaka: (1) Xana u nga ri tekelela njhani ripfumelo ra Rahava? (Hv 11:31; Yk 2:24-26) (2) Xana xikombiso xa Akani xi swi kombisa njhani leswaku ku nga yingisi swi ni vuyelo byo biha? (3) Hambileswi vavanuna va Vagibiyoni a va ri tinhenha, ha yini va kanganyise Yoxuwa ni ku tlhela va endla ku rhula ni Vaisrayele? (4) Xana rito ra Yehovha ri hetiseke njhani loko tihosi ta ntlhanu ta Vaamori ti xungete tiko ra Israyele? (Yx 10:5-14) (5) Xana Yehovha u ku seketele njhani loko u ri karhi u rhangisa Mfumo ni ku lulama kakwe evuton’wini bya wena?—Mt 6:33.

Loko hi anakanyisisa hi swilo hinkwaswo leswi Yehovha a nga swi endla, leswi a nga le ku swi endleni ni leswi a nga ta swi endla enkarhini lowu taka, ripfumelo ra hina ri ta tiya eka switshembiso swakwe.—Rhm 8:31, 32.