Yesu A Rhandza Vanhu

Matewu tindzima 8 na 9 ti vulavula hi mitirho leyi Yesu a yi endleke eGaleliya. Loko Yesu a hanyisa vanhu, u kombise leswaku u ni matimba, kambe xa nkoka swinene u kombise leswaku u rhandza vanhu naswona u va twela vusiwana.

1. Yesu u hanyise munhu loyi a ri ni nhlokonho.—Mt 8:1-3

2. Yesu u hanyise nandza wa ndhuna ya vuthu.—Mt 8:5-13

   U hanyise mana wa nsati wa Petro.—Mt 8:14, 15

   U hlongole madimona ni ku hanyisa vanhu lava a va vabya. —Mt 8:16, 17

3. Yesu u hlongole madimona ya matimba kutani a ma rhumela entlhambini wa tinguluve.—Mt 8:28-32

4. Yesu u hanyise munhu loyi a ome swirho.—Mt 9:1-8

   U hanyise wansati loyi a khumbeke nguvu yakwe, a tlhela a pfuxa n’wana wa Yayiro.—Mt 9:18-26

   U hanyise vanhu lava a va fe mahlo ni timbheveve.—Mt 9:27-34

5. Yesu u fambe hi miti ni swimitana, a tshungula mavabyi yo hambanahambana ni vulema bya mixaka hinkwayo.—Mt 9:35, 36

Ndzi nga swi kombisa njhani leswaku ndzi rhandza vanhu naswona ndzi va twela vusiwana?