Vatswari, Pfunani Vana Va N’wina Leswaku Va Rhandza Yehovha

Vatswari lava chavaka Xikwembu va navela leswaku vana va vona va kula va ri malandza yo tshembeka ya Yehovha. Vatswari va nga pfuna vana va vona hi ku va dyondzisa Bibele ku sukela loko va ha ri tincece. (Dt 6:⁠7; Swiv 22:⁠6) Ku endla tano, swi lava matshalatshala. Kambe vuyelo bya kona bya tsakisa.​—⁠3Yh 4.

Vatswari va nga dyondza swo tala eka Yosefa na Mariya. A “va tolovele ku ya eYerusalema lembe ni lembe enkhubyeni wa Paseka,” hambileswi ku endla tano a swi lava matshalatshala yo tala. (Lk 2:​41) Leswi swi kombisa leswaku a va khathala swinene hi vuxaka bya vona na Yehovha tanihi ndyangu. Hilaha ku fanaka, vatswari va nga tirhisa nkarhi wun’wana ni wun’wana lowu va pfulekelaka leswaku va dyondzisa vana va vona Bibele ni ku va vekela xikombiso lexinene.​—Ps 127:3-5.

HLALELANI VHIDIYO LEYI NGE VA TIRHISE NKARHI WUN’WANA NI WUN’WANA LOWU VA PFULEKELEKE, KUTANI MI HLAMULA SWIVUTISO LESWI LANDZELAKA:

• Jon na Sharon Schiller, va rhangise Mfumo ku sungula hi ndlela yihi loko va ri karhi va kurisa vana?

• Hikwalaho ka yini vatswari va fanele va dyondzisa vana va vona hi ku ya hi xilaveko xa n’wana ha un’we?

• Vatswari va nga va letela njhani vana va vona leswaku va kota ku yimela ripfumelo ra vona loko va langutana ni miringo?

• Hi swihi switirhisiwa swa nhlengeletano leswi u swi tirhiseke leswaku u pfuna vana va wena va tiyisa vuxaka bya vona na Yehovha?