Yehovha U Ta Titwa Njhani?

Loko hi nga si endla swiboho leswikulu kumbe leswitsongo, xana ha tivutisa hi ku, ‘Yehovha u ta titwa njhani?’ Hambileswi hi nga yi tiviki hi ku helela mianakanyo ya Yehovha, kambe hi ku tirhisa Rito rakwe u hi hlamusele leswi ringaneke leswaku a hi hlomisela “ntirho wun’wana ni wun’wana lowunene.” (2Tm 3:16, 17; Rhm 11:33, 34) Yesu u rhangise ku endla ku rhandza ka Yehovha evuton’wini byakwe. (Yh 4:34) Ku fana na Yesu, onge hi nga tikarhatela ku endla swiboho leswi nga ta tsakisa Yehovha.—Yh 8:28, 29; Ef 5:15-17.

HLALELANI VHIDIYO LEYI NGE YANA EMAHLWENI U ENDLA KU RHANDZA KA YEHOVHA (LV 19:18) ENDZHAKU MI HLAMULA SWIVUTISO LESWI LANDZELAKA:

• Hikwalaho ka yini hi fanele hi hanya hi misinya ya milawu ya Bibele?

• Hi yihi misinya ya milawu ya Bibele leyi hi faneleke hi yi landzela loko hi hlawula vuyimbeleri?

• Hi yihi misinya ya milawu ya Bibele leyi hi faneleke hi yi landzela loko hi hlawula swiambalo ni ku tisasekisa?

• Hi kwihi kun’wana laha hi nga tirhisaka misinya ya milawu ya Bibele?

• Hi nga swi tiva njhani leswi Yehovha a ta lava hi swi endla?