MAHANYELO YA VAKRESTE

Yehovha U Rhandza Vanhu Lava Baseke

“Hlamba mavoko. Basisa kamara ra wena. Kukula yindlu ya wena. Cukumeta thyaka.” Vatswari vo tala va dyondzisa vana va vona ku tshama va basile. Hambiswiritano, milawu leyi nge hi tshama hi basile yi huma eka Xikwembu xa hina lexi kwetsimaka. (Eks 30:18-20; Dt 23:14; 2Ko 7:1) Loko hi va lava baseke emirini hi tlhela hi basisa ni swilo swa hina, hi va hi xixima Yehovha. (1Pe 1:14-16) Ku vuriwa yini hi makaya ya hina swin’we ni nhundzu ya hina? Ku hambana ni vanhu lava thyakisaka kun’wana ni kun’wana laha va nga kona, Vakreste va wa va pfuka leswaku misava yi tshama yi basile. (Ps 115:16; Nhl 11:18) Swilo switsongo swo fana ni ku lahla maphepha ya swiwitsi, swikotela kumbe chepisi, swi nga kombisa langutelo ra hina hi ku basa. Eka xin’wana ni xin’wana lexi hi xi endlaka evuton’wini, hi lava ku “tibumabumela tanihi vatirheli va Xikwembu.”—2Ko 6:3, 4.

HLALELANI VHIDIYO LEYI NGE XIKWEMBU XI RHANDZA VANHU LAVA BASEKE, KUTANI ENDZHAKU MI HLAMULA SWIVUTISO LESWI LANDZELAKA:

Hi swihi swivangelo leswi van’wana va nga ti yimelelaka ha swona loko swilo swa vona swi thyakile?
Nawu wa Muxe wu yi hlamusela njhani ndlela leyi Yehovha a ti twaka ha yona hi ku basa?
Hi nga n’wi dzunisa njhani Yehovha handle ko vula swin’wana?

Tatana u nghena emovheni ya n’wana wakwe wa jaha leyi thyakeke; tatana ni n’wana wakwe va burisana hi milawu ya Yehovha leyi vulavulaka hi ku basa; vaprista vambirhi va le Israyele wa khale va ri ekusuhi ni ndhawu yo hlambela eka yona ya koporo; jaha ri huma emovheni leyi baseke loko ri ya ensin’wini — Ndzi nga yi kombisa njhani ndlela leyi Yehovha a ti twaka ha yona hi ku basa evuton’wini bya mina?