Yimani Mi Tiyile Hikuva Makumu Ma Tshinele

HIKWALAHO KA YINI SWI RI SWA NKOKA: Ku nga ri khale ku ta va ni swiendlakalo swo hlamarisa leswi nga ta ringa xivindzi xa hina ni ndlela leyi hi tshembaka Yehovha ha yona ku tlula rini na rini. Nhlomulo lowukulu wu ta sungula loko ku lovisiwa vukhongeri bya mavunwa. (Mt 24:21; Nhl 17:16, 17) Swi nga ha endleka hi nkarhi wolowo hi ta va hi twarisa rungula ra vuavanyisi. (Nhl 16:21) Gogo wa Magogo u ta hi hlasela. (Ezk 38:10-12, 14-16) Leswaku a sirhelela vanhu vakwe, Yehovha u ta tisa “nyimpi ya siku lerikulu ra Xikwembu xa Matimba Hinkwawo.” (Nhl 16:14, 16) Leswaku hi va ni xivindzi xo langutana ni swiendlakalo swa nkarhi lowu taka hi fanele hi yima hi tiyile sweswi loko hi langutana ni miringo.

NDLELA LEYI HI NGA SWI ENDLAKA HA YONA:

• Tiyimisele ku hanya hi milawu ya Yehovha leyi tlakukeke.—Esa 5:20

• Yana emahlweni u gandzela Yehovha ni Vakrestekuloni.—Hv 10:24, 25

• Yingisa nkongomiso lowu humaka eka nhlangano wa Yehovha.—Hv 13:17

• Anakanyisisa hi ndlela leyi Yehovha a va poniseke ha yona vanhu vakwe enkarhini lowu hundzeke.—2Pe 2:9

• Khongela eka Yehovha u tlhela u n’wi tshemba.—Ps 112:7, 8

HLALELANI XIPHEMU XA SWIKECHE SWA SWIENDLAKALO SWA NKARHI LOWU TAKA LESWI NGA TA LAVA XIVINDZI—XIPHEMU, KUTANI MI HLAMULA SWIVUTISO LESWI LANDZELAKA:

• 

  I ndzingo wihi lowu vahuweleri va langutaneke na wona mayelana ni ku yingisa loko vandlha ra vona ri aviwa?

• 

  Ku yingisa ni xivindzi swi fambisana njhani?

• 

  Hikwalaho ka yini swi ta lava leswaku hi va ni xivindzi hi nkarhi wa Armagedoni?

• 

  Hi rihi rungula ra le Bibeleni leri nga hi pfunaka ku va ni ripfumelo ra leswaku Yehovha u ta hi ponisa.—2Tk 20:1-24