Xivangelo Xo Va Ku Endliwa Magandzelo

1:3; 2:1, 12; 3:1

Magandzelo ni switlhavelo leswi a swi endliwa ehansi ka Nawu wa ntwanano a swi tsakisa Yehovha naswona a swi fanekisela gandzelo ra nkutsulo ra Yesu kumbe vuyelo lebyi nga ta va kona hikwalaho ka rona.—Hv 8:3-5; 9:9; 10:5-10.

• Tanihi leswi swiharhi leswi a ku endliwa switlhavelo ha swona a swi fanele swi va leswi hanyeke kahle naswona swi va leswi nga solekiki, Yesu na yena u nyikele hi miri wakwe lowu heleleke, lowu nga riki na xisolo.—1Pe 1:18, 19; vona xifaniso xa xifunengeto

• Ku fana ni magandzelo yo hisiwa lawa a ma nyikeriwa eka Yehovha ma helerile, Yesu na yena u ti nyikele eka Yehovha hi ku helela

• Ku fana ni lava a va nyikela magandzelo lama amukelekaka yo kombela ku rhula a va ri ni ku rhula ni Xikwembu, vatotiwa lava na vona va hlanganyelaka eka Xilalelo Xa Hosi va ni ku rhula ni Xikwembu