Sirhelela Vukati Bya Wena

Yehovha u teka swihlambanyo swa vukati swi ri swa nkoka. U vule leswaku vatekani va fanele va tshama swin’we vutomi hinkwabyo. (Mt 19:5, 6) Exikarhi ka vanhu va Xikwembu ku na vatekani vo tala lava nga swikombiso leswinene. Hambiswiritano, a ku na vukati lebyi nga riki na swiphiqo. Swiphiqo swi pfa swi va kona. A hi fanelanga hi tekelela langutelo leri vanhu vo tala va nga na rona ro tlhantlha swiphiqo swa vukati hi ku thalana kumbe ku tshikana. Vatekani lava nga Vakreste va nga byi sirhelela njhani vukati bya vona?

Hi lawa magoza ya ntlhanu ya nkoka.

1. Sirhelela mbilu ya wena hi ku papalata swilo swo tanihi ku tlanga hi rirhandzu ni ku hlalela vuhungasi lebyi thyakeke ku nga leswi nga ta tsanisa vukati bya wena.—Mt 5:28; 2Pe 2:14.

2. Tiyisa vuxaka bya wena ni Xikwembu naswona u kurisa ku navela ka wena ko xi tsakisa evukatini bya wena.—Ps 97:10.

3. Yana emahlweni u ambala vumunhu lebyintshwa, naswona u endla swiendlo leswitsongo leswi kombisaka musa leswi nga ta endla leswaku vutomi bya nkataku byi olova.—Kl 3:8-10, 12-14.

4. Mikarhi hinkwayo vulavurisanani hi ndlela ya xichavo ni leyi akaka.—Kl 4:6.

5. Nyika nkataku mfanelo ya vukati hi ndlela ya rirhandzu.—1Ko 7:3, 4; 10:24.

Loko Vakreste va xixima vukati va va va xixima Musunguri wa vukati Yehovha.

HLALELANI VHIDIYO LEYI NGE, HI FANELE HI ‘TSUTSUMA HI KU TIYISELA’—YINGISA MILAWU YA MPHIKIZANO KUTANI MI HLAMULA SWIVUTISO LESWI LANDZELAKA:

• 

  Hambileswi vukati byi tsakisaka loko bya ha ku sungula, hi swihi swiphiqo leswi nga ha va ka kona?

• 

  Misinya ya milawu ya Bibele yi nga va pfuna njhani lava twaka onge evukatini bya vona a ku na rirhandzu?

• 

  Hi yihi milawu leyi Yehovha a yi vekeke leyi vulavulaka hi vukati?

• Leswaku vukati byi va lebyi tsakisaka i yini leswi vatekani va faneleke va swi endla?