Tirhisa Swifaniso Leswaku U Kandziyisa Tinhlankulu

Loko hi endla maendzo yo vuyela kumbe loko hi fambisa tidyondzo ta Bibele, hi fanele hi pfuna lava hi vulavulaka na vona va twisisa tinhla ta nkoka. Loko hi tirhisa swikombiso leswaku hi humesa tinhla, leswi hi swi dyondzisaka swi ta khumba lava hi va dyondzisaka naswona swi ta va olovela ku tsundzuka leswi hi va dyondziseke swona.

Loko u ri karhi u lunghiselela ku endla riendzo ro vuyela kumbe dyondzo ya Bibele, hlawula tinhlankulu leti u nga endlaka swikombiso eka tona. Endla swikombiso hi swilo leswi tolovelekeke. (Mt 5:14-16; Mr 2:21; Lk 14:7-11) Swi tekele enhlokweni swiyimo ni swiendlo swa loyi u vulavulaka na yena. (Lk 5:2-11; Yh 4:7-15) Loko u n’wi vona a tsaka hi leswi a twisisaka yinhla ya nkoka, na wena u ta tsaka.

HLALELANI VHIDIYO LEYI NGE, TIPHINE HI KU ENDLA VADYONDZISIWA—ANTSWISA VUTSHILA BYA WENA—TIRHISA SWIFANISO LESWAKU U KANDZIYISA TINHLANKULU KUTANI MI HLAMULA SWIVUTISO LESWI LANDZELAKA:

• 

  Hikwalahokayini swichudeni swa Bibele swi fanele swi pfuniwa leswaku swi twisisa tindzimana ta le Bibeleni?

• 

  Rhulani u xi tirhise njhani xikombiso leswaku a hlamusela tsalwa ra Varhoma 5:12?

• 

  Swikombiso leswinene swi nga va pfuna njhani lava hi vulavulaka na vona?

• Loko hi ri ensin’wini, hikwalahokayini hi fanele hi tirhisa tivhidiyo ni switirhisiwa swin’wana leswi hi nyikiweke hi nhlangano wa Yehovha?