Xixima Vavasati Lava Kuleke Tanihi Vamanana Ni Vanhwanyana Tanihi Vamakwenu Va Xisati

Matsalwa ma hi byela leswaku hi fanele hi teka Vakreste lava nga vakulu eka hina tanihi va manana, va tatana kasi lavatsongo hi va teka tanihi vamakwerhu. (Hlaya 1 Timotiya 5:1, 2) Vamakwerhu va xinuna va fanele va xixima vanhu va xisati.

Makwerhu wa xinuna a nga fanelanga a tlanga hi rirhandzu kumbe a endla leswaku makwerhu wa xisati a nga ntshunxeki loko a ri na yena. (Yb 31:1) Jaha leri nga mbhoni a ri fanelanga ri tlanga hi mintlhaveko ya nhwanyana loyi a nga tekiwangiki, hi ku endla onge ra n’wi rhandza kasi a swi tano.

Vakulu va fanele va khathala swinene hi vamakwerhu va xisati lava taka eka vona va lava ku tiva swo karhi kumbe loko va boxa mhaka leyi nga lavaka vakulu va yi tekela enhlokweni. Vakulu va khathala ngopfu hi vaxisati lava nga riki na nuna la nga va sirhelelaka.—Rt 2:8, 9.

HLALELANI VHIDIYO LEYI NGE, KOMBISA RIRHANDZU LERI NGA HERIKI EVANDLHENI—EKA TINONI NI VANA LAVA PFUMALAKA VATATANA KUTANI MI HLAMULA SWIVUTISO LESWI LANDZELAKA:

• 

  Vamakwerhu evandlheni va n’wi kombe njhani leswaku va n’wi rhandza makwerhu wa xisati Myint?

• 

  Rirhandzu leri vamakwerhu evandlheni va ri kombiseke ri va khumbe njhani vanhu va le mugangeni?

• 

  Rirhandzu leri vamakwerhu evandlheni va ri kombiseke ri va khumbe njhani vana va makwerhu wa xisati Myint?

Hi tihi tindlela tin’wana leti u nga tikombisaka leswaku wa va rhandza vamakwerhu va xisati va le vandlheni ra ka n’wina?