Yana Emahlweni U Letela Matimba Ya Wena Ya Ku Twisisa

Xitsutsumi xi fanele xi ya emahlweni xi letela misiha ya xona leswaku xi ta tshama xi ri ni vuswikoti. Hilaha ku fanaka, na hina hi fanele hi endla matshalatshala ya leswaku hi ya emahlweni hi letela matimba ya hina ya ku twisisa. (Hv 5:14) Hambileswi hi nga ha vaka hi tolovele ku kopela swiboho swa van’wana, hi fanele hi tirhisani vuswikoti bya hina byo ehleketa kutani hi tiendlela swiboho. Hikwalahokayini? Un’wana ni un’wana wa hina u ta tihlamulela eka Xikwembu hikwalaho ka swiboho swakwe.—Rhm 14:12.

A hi fanelanga hi ehleketa leswaku hi ta endla swiboho leswinene hikwalaho ka leswi ku nga khale hi khuvuriwile. Leswaku hi kota ku endla swiboho leswinene, hi fanele hi titshega hi ku helela hi Yehovha, hi Rito rakwe ni hi nhlangano wakwe.—Yx 1:7, 8; Swiv 3:5, 6; Mt 24:45.

HLALELANI VHIDIYO LEYI NGE, “HLAYISANI RIPFALO LERINENE” KUTANI MI HLAMULA SWIVUTISO LESWI LANDZELAKA:

• 

  Hi xihi xiboho lexi Emma a a fanele a xi endla?

• 

  Hikwalahokayini hi fanele hi papalata ku vula mavonelo ya hina eka timhaka leti khumbaka ripfalo?

• 

  Hi xihi xitsundzuxo lexinene lexi vatekani van’wana va xi nyikeke Emma?

• 

  Emma u ri kume kwihi rungula leri n’wi pfuneke eka xiyimo xakwe?