Leswi Hi Swi Dyondzaka Eka Vutomi Bya Samuwele

Samuwele u tshame a tshembekile eka Yehovha, vutomi bya yena hinkwabyo. Loko a ha ri mufana, a nga pfumelanga ku endla swo biha ku fana ni vana va Eli, Hofini na Finiyasi. (1Sa 2:22-26) Samuwele u ye emahlweni a kula naswona Yehovha a a ri na yena. (1Sa 3:19) Niloko se a kurile u ye emahlweni a tirhela Yehovha hi ku tshembeka hambiloko vana vakwe va nga endli tano.—1Sa 8:1-5.

Xikombiso xa Samuwele xi hi dyondzisa yini? Loko wa ha ri ntsongo, tiyiseka leswaku Yehovha wa yi tiva mitlhontlho leyi u langutanaka na yona ni ndlela leyi u titwaka hayona. U ta ku pfuna u va ni xivindzi. (Isa 41:10, 13) Loko u ri mutswari naswona u ri ni n’wana loyi a nga tirheliki Yehovha, swi ta ku chavelela ku tiva leswaku Samuwele a nga va sindzisanga vana vakwe leswaku va tshama va tshembekile eka Yehovha. U swi tshikele Yehovha hinkwaswo naswona u tshame a tshembekile ni ku tsakisa Tata wa yena wa le matilweni, Yehovha. Kumbexana xikombiso xa wena lexinene xi nga endla leswaku n’wana wa wena a tlhelela eka Yehovha.

HLALELANI VHIDIYO LEYI NGE, A HI DYONDZENI EKA VONA—SAMUWELE KUTANI MI HLAMULA SWIVUTISO LESWI LANDZELAKA:

• 

  Samuwele u xi kombise njhani xivindzi loko a ha ri mufana?

• 

  Danny u swi kombise njhani leswaku u ni xivindzi?

• 

  Samuwele u ve xikombiso lexinene hi ndlela yihi loko se a kurile?

• 

  Vatswari va Danny va ve xikombiso lexinene hi ndlela yihi?