MAHANYELO YA VAKRESTE

Swilo Leswi Pfunaka Leswi Nga Eka Tiphine Hi Vutomi Hilaha Ku Nga Heriki!

Xana wa tiphina hi ku tirhisa tivhidiyo ni swivutiso leswi nga eka buku ya Tiphine Hi Vutomi Hilaha Ku Nga Heriki? Ku vuriwa yini hi swiyenge leswi nge “Van’wana Va Ri,” “Tiyimisele Ku Endla Leswi” na “Kuma Leswi Engetelekeke”? Hi swihi swin’wana leswi nga ku pfunaka loko u fambisa dyondzo ya Bibele?—Mt 28:19, 20.

Buku leyi nge, “Tiphine Hi Vutomi Hilaha Ku Nga Heriki!” eka app ya “JW Library.” Xiyenge lexi kombaka batheni ya “Tivhidiyo Ni Mikandziyiso Swa Xiyenge 1.”

Tivhidiyo Ni Mikandziyiso: Loko u hlawula ku fambisa dyondzo ya Bibele hi ku tirhisa buku leyi nga printiwa, u nga ti kuma kwihi hi ku olova tivhidiyo ni mikandziyiso yin’wana endhawini yin’we? Loko u hlawula ku tirhisa buku leyi nga eka elektroniki, hlawula xiyenge xin’we eka leswa mune. Ehansi ka nxaxamelo wa tinhlokomhaka, u nga hlawula tivhidiyo ni mikandziyiso hinkwayo ya xiyenge xexo. (Vona xifaniso 1.)

Ku tirhisa “Printed Edition”: Loko u dyondza ni munhu hi ku tirhisa xitirhisiwa xa elektroniki, swi ta ku pfuna ku tirhisa xiyenge xa “Printed Edition” loko mi ri karhi mi dyondza. Loko u ri eka dyondzo yo karhi, tlhava swidotana swinharhu eka toolbar ehenhla ka tluka kutani u hlawula “Printed Edition.” Leswi swi ta ku pfuna leswaku u tshama u ri karhi u ehleketa hi ndlela leyi leswi mi bulaka hiswona swi fambisanaka hayona ni nhlokomhaka ya dyondzo. Leswaku u tlhelela eka digital edition, tlhela u tlhava swidotana swinharhu kutani u hlawula “Digital Edition.”

Buku leyi nge, “Tiphine Hi Vutomi Hilaha Ku Nga Heriki!” eka app ya “JW Library.” Xiyenge lexi kombaka batheni ya bokisi leri nge, “Xana Ndzi Lunghekile?” na “Tinhlamuselo Ta Le Hansi.”

“Xana Ndzi Lunghekile?”: Mabokisi lama nga le makumu ka buku leyi ma kombisa leswi lavekaka leswaku u kota ku chumayela ni vandlha u tlhela u khuvuriwa. (Vona xifaniso 2.)

Tinhlamuselo Ta le Hansi: Tinhlamuselo ta le hansi ti hlamusela timhaka ta nkoka hi rungula ro karhi. Buku ya le ka elektroniki yi na linki emakumi ka tinhlamuselo ta le hansi leyi nga ta ku yisa laha u yimeke kona eka dyondzo. (Vona xifaniso 2.)

Tiyiseka leswaku u heta ku dyondza Tiphine Hi Vutomi Hilaha Ku Nga Heriki! ni swichudeni leswi endlaka nhluvuko hambiloko swo khuvuriwa mi nga si heta. U nga ha ya emahlweni u vika nkarhi, maendzo yo vuyela ni dyondzo hambiloko xichudeni xi khuvuriwile. Loko muhuweleri a ku heleketa a tlhela a katseka eka dyondzo na yena a nga ha vika nkarhi.