Tirhisa Tlukankulu Ra JW.ORG Loko U Chumayela

Tlukankulu ra website ya hina ri ni tihlokomhaka ni tivhidiyo leti endleriweke ku fikelela timbilu ta vanhu lava nga riki Timbhoni ta Yehovha. (Mi 13:48) Yi vulavula hi tinhlokomhaka leti nga emahungwini ni leswi vanhu va swi ehleketaka ni ku swi vula.

U nga ri tirhisa njhani tlukankulu ra jw.org loko u chumayela?

• Nkarhi na nkarhi nghena eka website. Teka tinotsi ta leswi katsiweke eka tlukankulu kutani u xiya ndlela leyi hayona u nga pfunaka vanhu lava tsakelaka ku dyondza Bibele. (Leswaku u kuma rungula rin’wana lera ha ku hoxiwaka eka tlukankulu, tlilika laha va nge, “Vona Leti Engetelekeke.”) Loko u tshamela ku nghena eka website swi ta ku pfuna leswaku u va ni swilo leswintshwa leswi u nga ta swi tirhisa ensin’wini.

• Tirhisa tihlokomhaka ni tivhidiyo leswi nga eka tlukankulu loko u sungula mabulo. Tihlokomhaka leti ni tivhidiyo swi hi pfula mahlo mayelana ni leswi vanhu esin’wini va swi ehleketaka.

• Komba vanhu tlukankulu ra website. Hlawula tihlokomhaka naswona u komba vanhu ku kuma rungula eka website.

• Rhumela vanhu linki. Vanhu van’wana a va swi tsakeli ku vulavula na hina hi ku kongoma kambe va swi tsakela ku nghena eka website ya hina. Hikwalaho, u nga kanakani ku rhumela vanhu lava tsakelaka linki ya tlukankulu, nhlokomhaka yo karhi kumbe vhidiyo leyi kombisiweke eka tlukankulu.