Xikwembu Xi Hi Tshembisa Miehleketo Leyi Hanyeke Kahle
Hi ku tirhisa Bibele, Xikwembu xi hi nyika nkongomiso ni nchavelelo lowu nga pfunaka lava karhatiwaka hi ntshikilelo wa mianakanyo.
Kambe Xikwembu xi endle swo tlula sweswo. Xi hi tshembise ku swi herisela makumu swilo hinkwaswo leswi hi vangelaka swiphiqo swa miehleketo.
Loko Xikwembu xi endla leswi xi swi tshembiseke, a hi nge he pfuki hi twe ku vava emintlhavekweni ni le emiehleketweni hikuva “swilo swa khale swi ta rivariwa, naswona a swi nge he ti emiehleketweni.”—Esaya 65:17.
Timbhoni ta Yehovha ti nga swi tsakela ku ku pfuna u tiva leswaku Xikwembu xi ta xi hetisisa rini xitshembiso xa xona lexi chavelelaka naswona hi ndlela yihi.