Vanhu Vo Tshembeka Va Hetisisa Swihlambanyo Swa Vona

Hlaya Vaavanyisi 11:​30-40 leswaku u dyondza hi mhaka ya Yefta ni n’wana wakwe hi ku hetisisa swihlambanyo.

Kambisisa mongo. Vaisrayele vo tshembeka a va titwa njhani hi swihlambanyo leswi va swi endleke eka Yehovha? (Tinhl. 30:2) Yefta ni n’wana wakwe va swi kombise njhani leswaku va ni ripfumelo eka Yehovha?—Vaav. 11:​9-11, 19-24, 36.

Endla ndzavisiso lowu engetelekeke. Xana Yefta a a ehleketa hi yini loko a endla xihlambanyo xakwe? (w16.04 7 ¶12) I yini leswi Yefta ni n’wana wakwe va titsoneke swona leswaku va endla leswi a swi hlambanyeke? (w16.04 7-8 ¶14-16) Vakreste va nga endla swihlambanyo swihi namuntlha?—w17.04 5-8 ¶10-19.

Ehleketa hi ndlela leyi u nga swi tirhisaka hayona leswi u swi dyondzaka. Tivutise:

• ‘I yini leswi nga ndzi pfunaka ndzi hetisisa xihlambanyo lexi ndzi xi endleke?’ (w20.03 13 ¶20)

• ‘Ndzi nga titsona yini leswaku ndzi kota ku tirhela Yehovha hilaha ku engetelekeke?’

• ‘Ndzi nga endla yini leswaku ndzi hetisisa xihlambanyo lexi ndzi xi endleke loko ndzi nghenela vukati?’ (Mat. 19:​5, 6; Efe. 5:​28-33)