Swa Rihanyo—Leswi Mfumo Wa Xikwembu Wu Nga Ta Swi Endla

“Hambileswi COVID-19 yi nga ha riki na khombo ngopfu emisaveni hinkwayo, leswi a swi vuli swona leswaku a yi nge vi na nxungeta eka rihanyo ra vanhu emisaveni. Hi nga tiyiseka leswaku ku ta va ni muxaka wun’wana wa ntungu enkarhini lowu taka naswona hi fanele hi tshama hi vambe ngoma.”—Dokodela Tedros Adhanom Ghebreyesus, murhangerinkulu eka Nhlangano Wa Rihanyo Wa Misava Hinkwayo, May 22, 2023.

Sweswi vanhu vo tala va le ku xanisekeni emirini ni le mianakanyweni hikwalaho ka COVID-19. Xana mifumo ni minhlangano ya swa rihanyo yi ta va yi wu lunghekerile ntungu lowu nga ta landzela naswona yi nga swi kota ku hi pfuna hi swiphiqo swa hina swa rihanyo?

EBibeleni hi dyondza hi mfumo lowu nga ta endla hi va ni rihanyo leri hi ri lavaka. Yi vula leswaku “Xikwembu xa le tilweni xi ta simeka mfumo,” kumbe hulumendhe. (Daniyele 2:44) Loko ku fuma mfumo wolowo, “Ku hava munhu loyi a tshamaka kona loyi a nga ta ku: ‘Ndza vabya.’” (Esaya 33:24) Un’wana ni un’wana u ta tiphina hi rihanyo lerinene a tlhela a va ni matimba.—Yobo 33:25.