Swivoyana Swa Risokoti Leri Kotaka Ku Tibasisa Swimhondzwana

Switsotswana swi fanele swi tshama swi basile leswaku swi ta kota ku haha, ku thamuka ni ku nuhetela. Hi xikombiso, loko swimhondzwana swa risokoti swi thyakile a ri swi koti ku vona ndlela, ku vulavurisana ni man’wana hambi ku ri ku nuhetela. Hikwalaho, Alexander Hackmann, mutivi wa swiharhi u ri: “Switsotswana swi tshama swi basile hikuva swi kota ku tibasisa.”

Xiya: Hackmann ni vatirhikulobye va kambisise ndlela leyi risokoti leri vuriwaka (Camponotus rufifemur) ri basisaka swimhondzwana swa rona ha yona. Va kume leswaku risokoti leri ri kota ku susa thyaka leri namarhelaka swimhondzwana hi swinengana swo rona leswaku ri kota ku vona kahle. Risokoti leri ri nghenisa swimhondzwana swa rona eka swivoyana leswi nga enengeni, loko ri swi humesa swi huma swi basile. Thyaka leritsongo leri nga eka swimhondzwana ri susiwa hi swivoyana leswitsongo leswi nga enengeni wa rona.

Hlalela risokoti leri kotaka ku tibasisa swimhondzwana

Hackmann ni vatirhikulobye va tshemba leswaku ndlela leyi risokoti leri ri kotaka ku tibasisa ha yona yi nga pfuna tikhamphani to tala. Hi xikombiso, ndlela leyi fanaka yi nga pfuna swinene loko ku basisiwa tiphatsi letitsongo ta switirhisiwa swa elektroniki leti onhakaka hi ku olova.

U anakanya yini: Xana swivoyana swa risokoti leri kotaka ku tibasisa swimhondzwana swi lo ti endlekela kumbe swi lo endliwa?