11 Hambiswiritano, Yehoxabati n’wana wa xisati wa hosi a teka Yehowaxi+ n’wana wa Ahaziya a n’wi yiva exikarhi ka vana va hosi lava a va ta dlayiwa kutani a n’wi tumbeta ekamareni ra le ndzeni swin’we ni wansati loyi a a n’wi hlayisa. Yehoxabati n’wana wa Hosi Yehorama,+ (a a ri nsati wa muprista Yoyada+ tlhelo makwavo wa xisati wa Ahaziya) u swi kotile ku n’wi tumbetela Ataliya leswaku a nga n’wi dlayi.+