Nhlamuselo ya le hansi

b Hambileswi tinyeleti ta nkombo leti nga evokweni ra xinene ra Yesu ti fanekiselaka valanguteri lava totiweke evandlheni ra Vukreste, vakulu lava nga eka yo tala ya mavandlha ya kwalomu ka 100 000 lama nga emisaveni namuntlha i va ntshungu lowukulu. (Nhlavutelo 1:16; 7:9) Xana xiyimo xa vona hi xihi? Tanihi leswi va hlawuriwaka hi moya lowo kwetsima hi ku tirhisa ntlawa lowu totiweke wa hlonga ro tshembeka ni ro tlhariha, va nga vuriwa lava nga ehansi ka voko ra xinene ra Yesu, hikuva na vona i varisi lava nga le hansi ka yena. (Esaya 61:5, 6; Mintirho 20:28) Va seketela “tinyeleti ta nkombo” hileswi va tirhaka lomu ku nga riki na vamakwerhu va xinuna lava totiweke.