Nhlamuselo ya le hansi

c Vahlamuseri va mahungu va xiye leswaku moya wa vutiko kahle-kahle i vukhongeri. Hikwalaho, vanhu lava hisekelaka moya wa vutiko va gandzela xiphemu xexo xa xivandzana lexi yimeriwaka hi tiko leri va tshamaka eka rona. Malunghana ni moya wa vutiko eUnited States, ku tsariwe leswi: “Moya wa vutiko, lowu tekiwaka wu ri vukhongeri wa fana ni ndlela leyi vukhongeri byin’wana lebyikulu enkarhini lowu hundzeke a byi gandzeriwa ha yona. . . . Munhu la rhandzaka vutiko manguva lawa u titwa a ntshunxekile ku gandzela xikwembu xa yena ku nga tiko ra rikwavo. U titwa a lava mpfuno wa rona tanihi leswi ri nga ni matimba. Wa swi tiva leswaku ri nga n’wi nyika ku eneriseka ni ntsako. U titsongahata eka Rona hilaha ku heleleke naswona wa ri gandzela. . . . Tiko ri tekiwa ri ri leri nga ta tshama hilaha ku nga heriki naswona loko vafumi va rona va fa, swi fana niloko ku fa ndhuma ni ku vangama ka rona.”—Carlton J. F. Hayes, hilaha a tshahiweke hakona eka tluka 359 ra buku leyi nge What Americans Believe and How They Worship, leyi tsariweke hi J. Paul Williams.