Nhlamuselo ya le hansi

b Barbour na Russell a va nga ri vo sungula ku hlamusela ku vuya ka Hosi loku nga vonakariki. Emahlweninyana ka vona, Sir Isaac Newton (1642-1727) u tsale leswaku Kreste u ta vuya, a fuma “a nga vonaki eka vanhu lava faka.” Hi 1856, Joseph Seiss, mufundhisi wa Lutere le Philadelphia, Pennsylvania, u tsale hi ku vuya ka vumbirhi loku hambanisiweke kambirhi—pa·rou·siʹa, kumbe vukona lebyi nga vonakiki, lebyi landzeriwaka hi vukona lebyi voniwaka. Kutani hi 1864, Benjamin Wilson u humese buku leyi nge Emphatic Diaglott leyi nga ni nhlamuselo leyi nge “vukona,” hayi “ku ta,” eka pa·rou·siʹa, naswona B. W. Keith, munghana wa Barbour, u swi byele Barbour ni vanghana vakwe.