Nhlamuselo ya le hansi

c Hi xikombiso: (1) Hi lembe xidzana ra vu-16, mavandla lama lwisanaka ni vunharhu-un’we a ma tinyike matimba le Yuropa. Hi xikombiso, Ferenc Dávid (1510-79), Muhungary, a a swi tiva naswona a a dyondzisa leswaku dyondzo ya Vunharhu-un’we a hi ya Matsalwa. Hikwalaho ka tidyondzo takwe, u fele ekhotsweni. (2) Minor Reformed Church, leyi veke kona le Poland ku ringana malembe ya dzana hi lembe xidzana ra vu-16 ni ra vu-17, na yona a yi nga yi amukeli dyondzo ya Vunharhu-un’we, naswona swirho swa kereke yoleyo swi hangalase tibuku eYuropa hinkwaro, ku kondza Majesuit ma endla leswaku yi yirisiwa le Poland. (3) Sir Isaac Newton (1642-1727), le Nghilandi, u ale dyondzo ya Vunharhu-un’we ivi a tsala vuxokoxoko bya swivangelo swa xiyimo xakwe hi ku ya hi matimu na hi ku ya hi Matsalwa, kambe a nga swi kotanga ku hangalasa mhaka leyi a ha hanya, swi le rivaleni leswaku a chava vuyelo bya kona. (4) Hi xikombiso, le Amerika, Henry Grew u paluxe Vunharhu-un’we tanihi lebyi nga riki bya matsalwa. Hi 1824 u yi hlamusele swinene mhaka leyi eka An Examination of the Divine Testimony Concerning the Character of the Son of God.