Nhlamuselo ya le hansi

a Hi 1894, Makwerhu Russell u hlele leswaku Zion’s Watch Tower Tract Society yi rhumela vamakwerhu lava fanelekaka tanihi swivulavuri. Va nyikiwe switifiketi leswi sayiniweke leswaku va titivisa ha swona eka mintlawa ya kwalaho. Switifiketi leswi a swi nga tiyisi ntamu wo chumayela, naswona a swi nga kombisi swona leswaku leswi swi vuriwaka hi loyi a nga na xona swi fanele ku amukeriwa handle ko kambisisiwa hi ku ya hi Rito ra Xikwembu. Hambi swi ri tano, tanihi leswi vanhu van’wana a va hlamusela kungu ra vona hi ndlela leyi hoxeke, ku nga si hela lembe Makwerhu Russell u endle leswaku switifiketi swi vuyiseriwa eka yena. Hi vukheta u lwele ku papalata xin’wana ni xin’wana lexi vanhu a va ta xi languta ku ri xivumbeko xa ntlawa wa vafundhisi.