Nhlamuselo ya le hansi

k Loko riendli ra Xigriki khei·ro·to·neʹo ri hlamuseriwa ntsena tanihi leri vulaka ‘ku hlawula hi ku tlakusa voko,’ swi vanga xiphiqo eku xiyeni ka nhlamuselo ya le ndzhakunyana ya rito leri. Xisweswo, A Greek-English Lexicon, ya Liddell na Scott leyi hleriweke hi Jones na McKenzie ivi yi tlhela yi gandlisiwa hi 1968, yi hlamusela rito leri tanihi leri vulaka ku “tlakusa voko, hi xikongomelo xo vhota enhlengeletanweni . . . II. c. acc. pers. [hi riviti ra munhu], hlawula, hi mfanelo hi ku humesa mavoko . . . b. kambe hi ntolovelo, endzhaku ri ku, hlawula, . . . hlawulela xikhundlha eKerekeni, [pre·sby·teʹrous] Mint. ya Vaap. [Mintirho ya Vaapostola] 14.23.” Matirhiselo ya le ndzhakunyana a ma ri kona enkarhini wa vaapostola; rito leri ri tirhisiwe hi mongo wolowo hi Josephus, n’wamatimu wa Muyuda wa lembe xidzana ro sungula eka Jewish Antiquities, Buku 6, ndzima 4, ndzimana 2, na ndzima 13, ndzimana 9. Xivumbeko xa ririmi xa Mintirho 14:23 eka Xigriki xo sungula xi komba leswaku Pawulo na Barnaba hi vona lava endleke leswi swi hlamuseriweke kwalaho.