Nhlamuselo ya le hansi

a Milawu ya varhabi a yi vula leswaku a nga kona loyi a faneleke a tshinela ekusuhi ni munhu la khomiweke hi nhlokonho hi mpfhuka lowu ringanaka 1,8 wa timitara. Kambe loko moya wu hunga, munhu loyi a khomiweke hi nhlokonho a a fanele a va ekule hi timitara ta 45. Midrash Rabbah yi vulavula hi rabi un’wana loyi a a tumbela loko a vona vanhu lava nga ni nhlokonho ni un’wana loyi a hlongoleke vanhu lava nga ni nhlokonho hi ku va hoxetela hi maribye. Xisweswo vanhu lava nga ni nhlokonho a va twa ku vava loko va nyenyiwa naswona va nga laviwi.