Nhlamuselo ya le hansi

a Muhundzuluxeri wa Bibele Joseph Rotherham u vula leswi hi matiko ya Vakanana, lava Vaisrayele a va tekelele mahanyelo ya vona: “Vugandzeri bya vona a byi ri ni manyala ni tihanyi leti chavisaka. Vavasati a va pfumela ku lahlekeriwa hi xindzhuti xa vona hikwalaho ko lava ku tsakisa swikwembu swa vona. Tindlu ta vunghwavava a ti ri tindhawu ta vona to kwetsima. Nakambe swifaniso leswi nyenyetsaka swa swirho swa mbeleko a swi vekiwe erivaleni. A ku ri ni vanhu lava a va vitaniwa (!) tinghwavava to kwetsima ta xinuna ni ta xisati.”