Nhlamuselo ya le hansi

c Vativi van’wana va vula leswaku vavanuna volavo a va endla xihlambanyo xa ku va Vanaziri. (Tinhl. 6:1-21) I ntiyiso leswaku xihlambanyo xexo a xi ta endliwa ehansi ka Nawu wa Muxe kambe Nawu wolowo a wu nga ha tirhi. Hambiswiritano, Pawulo a a ta va a vule leswaku a swi hoxanga leswaku vavanuna volavo va endla xihlambanyo xa vona eka Yehovha. Kutani a swi ta va swi nga hoxanga loko a va hakelela leswi va swi pfumalaka a tlhela a famba na vona. A hi swi tivi leswaku xihlambanyo xexo a xi katsa yini, kambe ku nga khathariseki leswaku a xi katsa yini, Pawulo a a nga ta pfumela ku seketela ku endliwa ka xitlhavelo hi xiharhi (hilaha Vanaziri a va endla hakona) leswaku ku rivaleriwa swidyoho swa vavanuna volavo. Xitlhavelo xa Kreste lexi hetisekeke xi herise ku endliwa ka switlhavelo swo tano leswi vanhu a va kombela ku rivaleriwa swidyoho ha swona. Ku nga khathariseki leswaku Pawulo u endle yini, hi nga tiyiseka leswaku a a nga ta pfumelela ku endla nchumu lowu nga endlaka leswaku a honisa leswi ripfalo ra yena ri n’wi byelaka swona.