Nhlamuselo ya le hansi

a Eka lembe xidzana ra vunharhu C.E., Tertullian u vule leswaku vavasati “lava tolaka mirhi emirini ya vona, va penda marhama hi swo tshwuka naswona va endla mahlo ya vona ya xiyeka ngopfu hi ku ma tota swilo swa [ntima], va Xi dyohela.” U tlhele a sola lava pendaka misisi ya vona. Hi ku tirhisa marito ya Yesu lama nga eka Matewu 5:36 hi laha ku hoxeke, Tertullian u tsundzuxile a ku: “Va kaneta Hosi! ‘Maswivo’ va ri, ‘ematshan’wini ka ya ntima kumbe yo basa, hi endla [misisi ya hina] yi va ya xitshopana.’” U engeterile: “U nga ha kuma ni vanhu lava nga ni tingana hi leswi va dyuhaleke, kutani va ringeta ku cinca misisi ya vona yo basa yi va ya ntima.” Yoleyo a ku ri mianakanyo ya Tertullian hi yexe. Kambe a a hombolokisa timhaka, hikuva nhlamuselo ya yena a yi sekeriwe eka vonelo ra yena ra leswaku vavasati hi vona va vangeleke ku rhuketeriwa ka vanhu, kutani va fanele ‘va endla kukota Evha, va rila naswona hi ku tisola’ ehenhleni ka ‘tingana ta xidyoho xo sungula.’ Bibele a yi vuli nchumu hi swilo swo tano; Xikwembu xi byarhise Adamu vutihlamuleri bya xidyoho xa rixaka ra vanhu.—Varhoma 5:12-14; 1 Timotiya 2:13, 14.