Nhlamuselo ya le hansi

b Hi malembe layo tala, Xihondzo xo Rindza a xi tekiwa tanihi magazini lowu ngopfu-ngopfu a wu humeseriwa Vakreste lava totiweke. Hambi swi ri tano, ku sukela hi 1935, ku kandziyisiwe swinene mhaka ya leswaku ku khutaziwa “ntshungu lowukulu,” lowu a wu ri ni ntshembo wa ku hanya hi laha ku nga heriki laha misaveni, leswaku wu kuma ni ku hlaya Xihondzo xo Rindza. (Nhlavutelo 7:9) Endzhaku ka malembe ma nga ri mangani, hi 1940, Xihondzo xo Rindza a xi fambiseriwa vanhu nkarhi na nkarhi eswitarateni. Endzhaku ka kwalaho, nhlayo ya ku hangalasiwa ka xona yi engeteleke swinene.