Nhlamuselo ya le hansi

a Vafarisi a va ri ni vutihlamuleri swinene hikwalaho ka xivumbeko xa Vuyuda lexi nga kona namuntlha, kutani a swi hlamarisi leswi Vayuda va ha lavaka tindlela to balekela swipimelo swa vona leswi engetelekeke swa Savata. Hi xikombiso, exibedlhele xa Vuyuda lebyi amukelekaka, muendzi hi siku ra Savata a nga ha kuma leswaku khexe yo tiyimela hi yoxe eka xithezi xin’wana ni xin’wana leswaku vakhandziyi va ta papalata ku endla “ntirho” lowu nga xidyoho wa ku susumeta kunupu ya khexe. Madokodela man’wana ya Vuyuda lebyi amukelekaka ma tsala swiletelo hi inki leyi nga ta nyamalala endzhaku ka masiku ma nga ri mangani. Ha yini? Mishnah yi hlamusela ku tsala tanihi “ntirho,” kambe yi nyikela nhlamuselo ya “ku tsala” tanihi ku siya mfungho lowu nga heriki.