Nhlamuselo ya le hansi

c Loko mikhuva ya nkosi yi ta tisa miringo leyikulu eka Mukreste, vakulu va nga hlomisela lava lavaka ku khuvuriwa malunghana ni leswi nga ha vaka swi va rindzerile. Loko mi hlangana ni vanhu lava lavantshwa leswaku mi ta bula hi swivutiso leswi humaka eka buku leyi nge Ku Hleleriwa Ku Hetisisa Vutirheli Bya Hina, ku fanele ku nyikeriwa nyingiso wa vukheta eka xiyenge lexi nge “Moya-xiviri, Xidyoho na Rifu” ni lexi nge “Mpfangano wa Vupfumeri.” Timhaka leti hatimbirhi ti ni swivutiso swa mbulavurisano leswi engetelekeke. Laha hi laha vakulu va nga nyikelaka rungula malunghana ni mikhuva ya nkosi leyi nga riki ya Matsalwa leswaku loyi a yaka eku khuvuriweni a swi tiva leswi Rito ra Xikwembu ri swi lavaka eka yena loko o tshuka a langutane ni swiyimo swo tano.