Nhlamuselo ya le hansi

b Nawu wun’wana lowu nga vonakaka wu fanerile hi lowu a wu vula leswaku a ku na wanuna la vavisiweke swinene eka swirho swa rimbewu, loyi a a ta pfumeleriwa ku nghena enhlengeletanweni ya Xikwembu. (Deteronoma 23:1) Hambiswiritano, Insight on the Scriptures yi vula leswaku leswi entiyisweni a swi “fambelana ni ku tsheniwa hi vomu hi xikongomelo xa ku tikhoma hi ndlela yo biha, ko fana ni vusodoma.” Hikwalaho, nawu wolowo a wu nga katsi ku tsheniwa loku endliwaka hi xikongomelo xa ku lawula mbeleko. Insight yi tlhela yi ku: “Hi ndlela leyi chavelelaka Yehovha u boxe ka ha ri emahlweni nkarhi lowu vatsheniwa va nga ta amukeriwa hi yena va va malandza yakwe, kutani loko va yingisa a va ta tiendlela vito leri antswaka ku tlula vana va majaha ni va vanhwanyana. Leswi Yesu Kreste a heriseke Nawu, vanhu hinkwavo lava nga ni ripfumelo, ku nga khathariseki xiyimo xa vona xa le ku sunguleni kumbe ndhuma, va nga va vana va Xikwembu. Nchumu wa nyama lowu a wu va endla va va lava hambaneke wu susiwile.—Esa 56:4, 5; Yh 1:12.”