Nhlamuselo ya le hansi

a Emahlweni ka nhlunga-vuhosi wa hi October 1917, tiko ra Rhaxiya a ri tirhisa khalendara ya khale ya Julian, kambe matiko yo tala se a ma tirhisa khalendara ya Gregory. Hi 1917 khalendara ya Julian a yi salele endzhaku hi masiku ya 13 eka khalendara ya Gregory. Endzhaku ka nhlunga-vuhosi, tiko ra Soviet ri sungule ku tirhisa khalendara ya Gregory, kutani tiko ra Rhaxiya ri sungula ku fambisana ni misava hinkwayo. Hambiswiritano, Kereke ya Orthodox yi hambete yi endla minkhuvo ya yona hi ku pfumelelana ni khalendara ya Julian, yi yi vitana khalendara ya “Xikhale.” U nga ha twa ku vuriwa leswaku Khisimusi eRhaxiya yi tlangeriwa hi January 7. Hambiswiritano, tsundzuka leswaku January 7 eka khalendara ya Gregory i December 25 eka khalendara ya Julian. Hikwalaho, vanhu vo tala va le Rhaxiya va hlela nkarhi wa vona wa tiholideyi hi ndlela leyi: December 25, Khisimusi ya le Vupela-dyambu; January 1, Lembe Lerintshwa ra tiko; January 7, Khisimusi ya Orthodox; January 14, Lembe Lerintshwa ra Xikhale.