Nhlamuselo ya le hansi

a Ngati ya xifuwo hi yona leyi a yi endla leswaku munhu a rivaleriwa swidyoho hikuva Xikwembu a xi yi teka yi ri ya risima. (Levhitika 17:11) Xana leswi swi vula leswaku magandzelo ya mapa lama a ma tisiwa hi swisiwana a ma nga ri ya nkoka? Doo! Entiyisweni Yehovha a a tsakisiwa hi ku titsongahata ni ku tinyiketela loku a ku kombisiwa hi vanhu lava a va nyikela magandzelo wolawo. Ku tlula kwalaho, swidyoho swa tiko hinkwaro ra Israyele ku katsa ni swa swisiwana, hinkwaswo ka swona a swi hlanganisiwa eka magandzelo ya swifuwo lawa a ma nyikeriwa eka Xikwembu kan’we hi lembe, hi Siku ro Kombela ku Rivaleriwa Swidyoho.—Levhitika 16:29, 30.