Nhlamuselo ya le hansi

a Tsunami leyi veke kona hi 2004 yi dlaye vanhu vo tlula 220 000—ku nga yin’wana ya titsunami leti onheteleke swinene ematin’wini.

SWIENDLAKALO LESWI HLAMARISAKA LESWI KOMBISAKA LESWAKU MAKUMU MA TSHINELE

TINYIMPI TA MISAVA NI KU NYANYA KA MPFILUMPFILU

“Mi ta twa hi ta tinyimpi ni swiviko swa tinyimpi; vonani leswaku mi nga chavisiwi. Hikuva swilo leswi swi fanele ku endleka, kambe makumu ma ta va ma nga si fika. Hikuva tiko ri ta pfukela tiko rin’wana ni mfumo wu ta pfukela mfumo wun’wana . . . Swilo leswi hinkwaswo i ku sungula ka switlhavi swa maxangu.”—Matewu 24:6-8.

VUVABYI NI NDLALA EMISAVENI HINKWAYO

“Ku ta va ni mintungu ni ku kayivela ka swakudya.”—Luka 21:11.

KU ENGETELEKA KA KU KALA NAWU NI KU PFILUNGANYEKA KA VUKHONGERI

“Naswona ku ta humelela vaprofeta vo tala va mavunwa va hambukisa vo tala; nakambe rirhandzu ra vo tala ri ta hola hikwalaho ka ku engeteleka ka ku kala nawu.”—Matewu 24:11, 12.

KU HOHLOKA KA MAHANYELO YA VANHU HI MPIMO LOWUKULU

“Emasikwini yo hetelela ku ta fika minkarhi ya mangava leyi swi nonon’hwaka ku langutana na yona. Hikuva vanhu va ta va lava tirhandzaka, varhandzi va mali, . . . lava nga tshembekiki, lava nga riki na xinakulobye xa ntumbuluko, lava nga laviki ntwanano hambi wu ri wihi, valumbeti, lava nga tikhomiki, lava nga ni tihanyi, lava nga rhandziki vunene, vaxengi, lava omeke tinhloko, lava tikukumuxaka hi ku tinyungubyisa.”—2 Timotiya 3:1-4.

MAHUNGU LAMANENE YA MFUMO WA XIKWEMBU MA CHUMAYERIWA EMISAVENI HINKWAYO

“Mahungu lamanene lawa ya mfumo ma ta chumayeriwa emisaveni hinkwayo leyi akiweke leswaku byi va vumbhoni ematikweni hinkwawo; kutani hi kona makumu ma nga ta fika.”—Matewu 24:14.

VAKANETI VA TA ALA LESWAKU MAKUMU MA TSHINELE

“Emasikwini ya makumu ku ta va ni vahlekuri lava hlekulaka, . . . va ku: ‘Byi kwihi vukona byakwe lebyi tshembisiweke? Hikuva, ku sukela siku vatata wa hina va etleleke ha rona eku feni, swilo hinkwaswo swa ha tshame hilaha a swi ri hakona eku sunguleni ka ntumbuluko.’”—2 Petro 3:3, 4.