“Yehovha I Murisi Wa Mina”

1. Murisi wang’ i Yehovha;

Ndzi nge tshuki ndzi chava.

Wa wu risa ntlhambi wa yena

Hinkwawo wa wu tiva.

U ndzi risela matini,

U ndzi ha ni matimba.

U ndzi kongomisa ndzi famba

Hi ndlela yo lulama.

U ndzi kongomisa ndzi famba

Hi ndlela yo lulama.

2. Ni le ndzhutini wa rifu,

A ndzi chavi ndza famba.

Murisi wanga u na mina;

Undzi nyika matimba.

U tota nhloko yamina;

U tata ndzheko wanga.

Tintswalo takwe ta ndzi landza,

Ndzi ta tshama ka yena.

Tintswalo takwe ta ndzi landza,

Ndzi ta tshama ka yena.

3. Yehovha u ni rirhandzu!

Ndza n’wi nkhensa swinene.

Mahungu ya nsovo wa yena

Ndzi ta ma huwelela.

Milawu ni Rito rakwe,

Ndzi ta swi yingisela.

Lunghelo ra ku n’wi gandzela,

Ndzi nge tlangi ha rona.

Lunghelo ra ku n’wi gandzela,

Ndzi nge tlangi ha rona.