Eka Vatswari

Xana hi yihi nyiko leyinene leyi mi nga yi nyikaka vana va n’wina? Ku ni swilo swo tala leswi va swi lavaka, ku katsa rirhandzu ra n’wina, nkongomiso ni nsirhelelo. Kambe nyiko ya nkoka swinene leyi mi nga va nyikaka yona i ku tiva Yehovha ni ntiyiso lowu kumekaka eRitweni rakwe, ku nga Bibele. (Yohane 17:3) Vutivi byebyo byi nga pfuna vana va n’wina leswaku va kula va ri karhi va rhandza Yehovha ni ku n’wi tirhela hi mbilu hinkwayo, ku sukela evutsongwaneni.—Matewu 21:16.

Vatswari vo tala va kume leswaku vana va angula kahle eka tidyondzo ni le ka mintirho yo koma. Hikokwalaho, hi tsakela ku mi nyika broxara leyi nge, Tidyondzo Ta Mina Ta Bibele. Dyondzo yin’wana ni yin’wana yi endleriwe ku dyondzisa hi ndlela yo olova. Swifaniso leswi mpfampfarhutiweke ni rungula leri fambisanaka na swona swi endleriwe vana ngopfu-ngopfu lava nga ehansi ka malembe manharhu. Ku katsiwe ni swiringanyeto swa mintirho leyi faneleke yi endliwa. Broxara leyi nge Tidyondzo Ta Mina Ta Bibele a hi thoyi leyi endleriweke vana leswaku va tlanga hi yona. Ematshan’weni ya sweswo, yi endleriwe leswaku mi yi hlaya ni vana va n’wina, xisweswo yi endla leswaku mi va ni bulo.

Ha tiyiseka leswaku broxara leyi yi ta mi pfuna loko mi ri karhi mi dyondzisa vana va n’wina ntiyiso wa Bibele ‘ku sukela loko va ha ri tincece.’—2 Timotiya 3:14, 15.

Vamakwenu,

Huvo leyi Fumaka ya Timbhoni ta Yehovha

[Xifaniso lexi nga eka tluka 3]

Dyondzo 1

Nhlavutelo 4:11

I mani a endleke misava?

I mani a endleke lwandle?

I mani a endleke wena na mina?

I mani a endleke phaphatana ni timpapa ta rona to saseka?

Yehovha Xikwembu u vumbe swilo hinkwaswo.

MINTLANGO

Hlayela n’wana wa wena:

Nhlavutelo 4:11

Kombela n’wana wa wena leswaku a kombetela eka:

Tinyeleti Mapapa Dyambu

Xikepe Misava Yindlu

Lwandle Phaphatana

Vutisa n’wana wa wena:

I mani vito ra Xikwembu?

Xana Yehovha u tshama kwihi?

I yini leswi a swi endleke?

[Xifaniso lexi nga eka matluka 4, 5]

Dyondzo 2

Genesa 7:7-10; 8:15-17

Languta swiharhi leswi nga ekusuhi ni ngalava ya Nowa.

Hi swihi leswi nge mhoo, naswona hi swihi leswi vukulaka?

Swiharhi hinkwaswo, swo koma ni swo leha, ngalava ya Nowa yi swi ponisile.

MINTLANGO

Hlayela n’wana wa wena:

Genesa 7:7-10; 8:15-17

Kombela n’wana wa wena leswaku a kombetela eka:

Bere Mbyana Ndlopfu

Nhutlwa Nghala Nkawu

Nguluve Nyimpfu

Mangwa Nkwangulatilo

N’wana wa wena a encenyete mimpfumawulo ya swiharhi leswi landzelaka:

Mbyana Nghala Nkawu

Nguluve Nyimpfu

[Xifaniso lexi nga eka matluka 6, 7]

Dyondzo 3

1 Petro 3:8

David u twa leswaku munghana wakwe wa vabya.

Kutani a ku: “Ndza swi tiva leswi ndzi nga ta swi endla.

Ndzi ta n’wi tsalela papila leswaku ndzi n’wi endla a titwa a antswa, kutani ndzi ta n’wi yisela rona!”

Kombanani musa, kutani havumbirhi mi ta tsaka!

MINTLANGO

Hlayela n’wana wa wena:

1 Petro 3:8

Kombela n’wana wa wena leswaku a kombetela eka:

Yindlu Tafula David

Dyambu Xinyenyana Murhi

Vutisa n’wana wa wena:

Xana u tiva munhu loyi a vabyaka?

Hi nga n’wi pfuna njhani munhu yoloye leswaku a titwa a antswa?

[Xifaniso lexi nga eka tluka 8]

[Xifaniso lexi nga eka tluka 8]

[Xifaniso lexi nga eka tluka 9]

[Xifaniso lexi nga eka tluka 9]

Dyondzo 4

Mintirho 14:17

I siku leri mpfula a yi na ha rona.

Tomoko u rile a ku:

“Ndzi boheka ku tshama endlwini.

Ha yini yi nga xi?”

Kambe ku endleke nchumu lowu hlamarisaka!

Ku tlhave dyambu.

Mpfula yi xa.

Tomoko u ve ni ntsako!

U tsutsumele ehandle, naswona u ve ni ntsako, loko a vona ndhawu yo saseka.

Tomoko u te: “A ndzi nga swi tivi leswaku mpfula leyi humaka eka Xikwembu yi endla swiluva swi kula!”

MINTLANGO

Hlayela n’wana wa wena:

Mintirho 14:17

Kombela n’wana wa wena leswaku a kombetela eka:

Fasitere Xinyenyana Tomoko

Murhi Swiluva

Lava swilo leswi tumbeleke.

Xifufunhunu Xihaha-mpfhuka

Vutisa n’wana wa wena:

Ha yini Yehovha a endle mpfula?

[Xifaniso lexi nga eka tluka 10]

[Xifaniso lexi nga eka tluka 10]

[Xifaniso lexi nga eka tluka 11]

Dyondzo 5

1 Vatesalonika 5:18

Loko munghana wa wena a ku nyika nyiko kumbe a ku endlela swo karhi leswinene, u nga n’wayitela—hambi ku ri kambirhi!

Kambe ku nga khathariseki laha u nga kona kumbe leswaku u endla yini, Minkarhi hinkwayo tsundzuka ku “Nkhensa!”

MINTLANGO

Hlayela n’wana wa wena:

1 Vatesalonika 5:18

Kombela n’wana wa wena leswaku a kombetela eka:

Nyiko Mufana

Nyangwa Swakudya

Kuma leswi tumbetiweke.

Apula Riqingho

Vutisa n’wana wa wena:

Ha yini swi ri swinene ku nkhensa?

[Xifaniso lexi nga eka tluka 12]

[Xifaniso lexi nga eka tluka 13]

[Xifaniso lexi nga eka tluka 13]

[Xifaniso lexi nga eka tluka 13]

Dyondzo 6

Pisalema 139:14

Languta tintiho ta wena, tshukatshukisa swikunwana.

Kombetela tindleve ta wena, u kombetela nhompfu ya wena.

Languta milenge ya wena leyi ku pfunaka ku tsutsuma, ku tlula ku rhendzeleka ni ku endla swin’wana leswi u swi tsakelaka!

Languta exivonini, xana u vona yini?

Yehovha u endle swilo hinkwaswo hi ndlela yo hlamarisa!

MINTLANGO

Hlayela n’wana wa wena:

Pisalema 139:14

Kombela n’wana wa wena leswaku a kombetela eka:

Tintiho Swikunwana Nhompfu

Tindleve Nomu

Kuma swilo leswi tumbeleke.

Ganju Ximanga

Vutisa n’wana wa wena:

Mina na wena hi vumbe hi mani?

[Xifaniso lexi nga eka tluka 14]

[Xifaniso lexi nga eka tluka 15]

[Xifaniso lexi nga eka tluka 15]

[Xifaniso lexi nga eka tluka 16]