Ku twisisa man’wana ya mavito ya tindhawu leti swi hi pfuna ku twisisa swiendlakalo leswi endlekeke evuton’wini bya Isaka na Yakobe. Hi xikombiso, loko Abrahama a ri eBera-xeba, xana u n’wi rhumele kwihi nandza wa yena leswaku a ya lavela Isaka nsati? U n’wi rhumele le Mesopotamiya (leswi vulaka “Tiko leri nga eXikarhi ka Milambu”) ePadani-aramu. Kutani anakanya hi riendzo lero leha swonghasi leri Raveka a ri fambeke hi kamela a ya eNegebu, kumbexana ekusuhi na Kadexi leswaku a ya hlangana na Isaka.—Gn 24:10, 62-64.

E1 PADANI-ARAMU